Uşaqların Beynəlxalq Müdafiəsi günü münasibəti ilə Sumqayıt Regional Mədəniyyət İdarəsinin rəisi istedadlı uşaqları qəbul edib.
1 İyun - Azərbaycanda Uşaqların Beynəlxalq Müdafiəsi günü kimi qeyd olunub. Bu münasibətlə Sumqayıt Regional Mədəniyyət İdarəsinin rəisi Rəşad Əliyev idarəyə tabeli Xızı rayon C. Cabbarlı adına Mədəniyyət Mərkəzinin, rəssamlıq dərnəyinin gənc üzvlərini təbrik edib.
İdarə rəisi Azərbaycan Respublikası Təhsil Nazirliyinin və 1 nömrəli Uşaq Gənclər İnkişaf Mərkəzinin təşkil etdiyi "Biz zəfər qazandıq” müsabiqəsində birincilik qazanan Fatimə Şirzal qızı Həşimova və gənc rəssam Fidan Babayeva ilə həm qazandıqları uğur, həm də bayramla əlaqədar görüşüb, əl işləri ilə yaxından tanış olub.
R.Əliyev onlara bundan sonra da daim nailliyyətlər arzulayaraq, hədiyyələrini təqdim edib və xatirə şəkili çəkdirib.
Xəbərdən istifadə edərkən istinad etmək vacibdir.
