Bu gün "Əməkdar Mədəniyyət işçisi” Aslan Fətullayevin 65 yaşı tamam olur.
Xeberle.com xəbər verir ki, Aslan Fətullayev 20 oktyabr 1956-cı ildə Lerik şəhərində anadan olub. O, 1979-cu ildən Sumqayıtda mədəniyyət müəssisələrində çalışıb. Fətullayev o illərdə "Gənclik” klubunda müxtəlif vəzifələrdə, 1984-cü ildən isə Sumqayıt şəhər "Dostluq” mədəniyyət evinin direktorudur.
O, "Nəsrəddin”də İnkir-Minkir, "Anacan”da Qulu, "Təxribatçılar”da polis generalı, "Mən sənin dayınam”da dramaturq, "Varlı qadın”da Pəhlivan Zərlinski, "Mesenat”da H.Tağıyevin xidmətçisi, "O, olmasın, bu olsun”da hambal, "Əllədin”də Cin, "Zınqırovlu pişik”də anbardar, "Cırtdan”da ifrit və s. teatr tamaşalarındakı yaratdığı obrazlar ilə yaddaşlardadır.
Aslan Fətullayev 4 oktyabr 2016-cı ildə "Əməkdar Mədəniyyət işçisi” fəxri adına layiq görülüb.
Xəbərdən istifadə edərkən istinad etmək vacibdir.
