Sumqayıt Regional Mədəniyyət İdarəsinin rəisi Rəşad Əliyev şəhərin ictimai həyatında fəal iştirak etmiş bir qrup mədəniyyət işçisi ilə görüş keçirib. Görüş əsnasında onları qarşıdan gələn Dünya Azərbaycanlılarının Həmrəylik Günü və Yeni 2022-ci ilin gəlişi münasibəti ilə təbrik edib, onlara Azərbaycanımızın çiçəklənməsi, dövlətimizin güclənməsi naminə görəcəyləri hər bir işdə uğurlar, sağlam can, könül rahatlığı, ailə səadəti və xoşbəxtlik arzulayıb.
Həmçinin R. Əliyev bildirib ki, onlar Sumqayıt şəhərinin ictimai həyatında fəal iştiraklarına görə Sumqayıt Şəhər İcra Hakimiyyətinin başçısı cənab Zakir Fərəcovun 29 dekabr 2021-ci il tarixli 888 nömrəli sərəncamı ilə Fəxri Fərmanla təltif olunublar.
Sumqayıt Şəhər İcra Hakimiyyətinin başçısı adından həmin Fəxri Fərmanlar idarə rəisi tərəfindən aidiyyəti üzrə təqdim olunub.
Xəbərdən istifadə edərkən istinad etmək vacibdir.
