Azərbaycan Respublikasının Mədəniyyət Nazirliyinin "Qarabağa kitabla gedək!” layihəsinə Sumqayıt Regional Mədəniyyət İdarəsinin Abşeron rayon Mədəniyyət müəsisələri də qoşulub.
Azərbaycan Respublikasının Prezidenti, Ali Baş Komandan cənab İlham Əliyevin rəhbərliyi ilə müzəffər Azərbaycan ordusu tərəfindən 44 günlük müharibə nəticəsində erməni işğalından azad olunan ərazilərimizdə 90-cı illərin əvvəllərinədək fəaliyyət göstərən 900-dən artıq kitabxananın erməni vandalları tərəfindən tamamilə dağıdılaraq məhv edilən kitab fondlarının yenidən bərpası məqsədilə Azərbaycan Respublikası Mədəniyyət Nazirliyi ilə Milli Kitabxananın birgə həyata keçirdiyi kitab toplama kampaniyasına Abşeron rayon Mədəniyyət müəsisələri də qatılıb.
Tədbirdə Abşeron rayon Mədəniyyət Mərkəzində baş tutan "Qarabağa Kitabla Gedək" layihəsində toplanan kitabların bir qismi sərgilənib. Tədbirdə Sumqayıt Regional Mədəniyyət İdarəsinin baş məsləhətçisi, Abşeron rayonu üzrə nümayəndə İlham Manafov çıxış edərək kitabların hazırlanaraq Qarabağa göndərilməsi üçün Milli Kitabxanaya təqdim ediləcəyini qeyd edib. İ.Manafov eyni zamanda Ali Baş Komandan cənab İlham Əliyevin rəhbərliyi altında Azərbaycan ordusunun qazandığı böyük qələbədən də danışıb.
Xəbərdən istifadə edərkən istinad etmək vacibdir.
