Sumqayıtda rəssamlıq üzrə növbəti ustad dərsi təşkil edilib.
Xeberle.com xəbər verir ki, 8 mart Beynəlxalq Qadınlar Gününə həsr edilən ustad dərsi Sumqayıt Dövlət Rəsm Qalereyasında keçirilib. Uşaq və yeniyetmələrin iştirak etdiyi dərsdə ustad-rəssam Nigar Arif Abstrakt rəsm sənətinin sirlərini öyrədib.
Bu, N.Arifin ilk ustad dərsi deyil. Rəssam mütəmadi olaraq müxtəlif mövzulara həsr olunmuş dərslər keçir.
Ustad rəssam qeyd edib ki, abstrakt rəsmlər həqiqi formaların deyil, mücərrəd baxımdan həqiqi şeyləri təmsil edən fiqurların istifadə olunduğu bir rəsm növüdür. Eyni zamanda, rəssamın forma dəqiqliyi olmayan fərdi baxışı və fikrində olanı mərdliklə, sərhədsiz özünəməxsus müəyyən enerji ilə müstəvi üzərinə köçürməkdir.
Xəbərdən istifadə edərkən istinad etmək vacibdir.
