2022-ci ilin "Şuşa ili” elan edilməsi haqqında Azərbaycan Respublikasının Prezidentininin Sərəncamına əsasən Sumqayıt Regional Mədəniyyət İdarəsinə tabe olan Xızı rayon Uşaq Musiqi Məktəbində "Əziz Şuşa Sən Azadsan!” adlı ədəbi-bədii gecə keçirilib.
Əvvəlcə Azərbaycanın azadlığı, müstəqilliyi uğrunda canlarını qurban verən qəhrəman oğullarımızın xatirəsi bir dəqiqəlik sükutla yad edilib.
Sonra söz Sumqayıt Regional Mədəniyyət İdarəsinin rəisi Rəşad Əliyevə verilib. İdarə rəisi Şuşa ilinin elan olunması və bu illə bağlı tədbirlərin keçirilməsinə önəm verildiyini qeyd edib.
Tədbirdə Xızı rayonu uşaq musiqi məktəbinin "Xızı dağları ansamblının” və məktəbin müəllimlərinin ifasında xalq mahnıları səslənib, məktəbin nağara sinfinin məzunları, qızlar ansamblı və şagirdlərdən ibarət xor kollektivinin musiqi nömrələri təqdim olunub. Şagirdlərin ifasında Qarabağa, Şuşaya həsr olunan şeir və mahnılar dinlənilib.
Xəbərdən istifadə edərkən istinad etmək vacibdir.
