Sumqayıt Regional Mədəniyyət İdarəsinə tabe olan Şuşa Dövlət Musiqili Dram Teatırında Şuşa Rayon İcra Hakimiyyətinin və Şuşa Rayon Mədəniyyət evinin birgə təşkilatçılığı ilə şəhid ailələri, qazilər və rayon ictimaiyyətinin iştirakı ilə tədbir keçirilib.
Çıxış edən Şuşa rayon İcra Hakimiyyətinin başçısı Bayram Səfərov zəfərlə başa çatan Vətən müharibəsinin xalqımızın qəhrəmanlıq salnaməsində yeni-yeni səhifələr yazdığını, torpaqlarımızın işgaldan azad edilməsi uğrunda canlarından keçən şəhidlərimizin xatirəsinin xalqımız tərəfindən daim uca tutulduğunu qeyd edib.
Tədbirin gedişində Novruz adət-ənənələrini özündə əks etdirən bahar qızı, kosa və keçəlin iştirakı ilə mahnılar oxunub, ədəbi-bədii kompozisiyalar və şeirlər söylənilib, folklor kollektivinin çıxışları dinlənilib.
Xəbərdən istifadə edərkən istinad etmək vacibdir.
