Sumqayıtda növbəti ustad dərsi təşkil edilib.
Xeberle.com xəbər verir ki, Novruz Bayramına həsr edilən ustad dərsi Sumqayıt Dövlət Rəsm Qalereyasında keçirilib. Uşaq və yeniyetmələrin iştirak etdiyi dərsdə ustad-rəssam Nigar Arif "Novruz xonçası" adlı dekorativ sənəd nümunəsinin hazırlanma sirlərini öyrədib. N. Arif bildirib ki, Novruz bayramının vacib sayılan atributlarından biri də xonçadır. Xonça il təhvil olanda artıq hazır olmalıdır. Novruzda xonça bəzəmək adəti qədimdir.
Ustad-rəssam şagirdlərə Azərbaycan təsviri sənətinin növlərindən biri də dekorativ tətbiqi sənət haqqında geniş məlumat verib. O, vurğulayıb ki, dekorativ-tətbiqi sənət əsərləri növlərinə xalçaçılıq, batika, qobelen, keramika, toxuma və bədii tikmə, zərgərlik, bədii şüşə, bədii oyma aiddir.
Sonra şagirdlər gildən Novruz atributları hazırlayıblar.
Bu, N.Arifin ilk ustad dərsi deyil. Rəssam mütəmadi olaraq müxtəlif mövzulara həsr olunmuş dərslər keçir.
Xəbərdən istifadə edərkən istinad etmək vacibdir.
