Sumqayıt Regional Mədəniyyət İdarəsinə tabe olan Şuşa rayon Mədəniyyət evi, Şuşa rayon Malıbəyli kənd Mədəniyyət evi və "İstedadları tanıyaq və tanıdaq” İdarə birliyinin təşkilatçılığı ilə "Şuşa Azərbaycanın mədəniyyət paytaxtı” adlı tədbir keçirilib.
Tədbirin keçirilməsində əsas məqsəd milli-mənəvi dəyərlərimizi özündə yaşadan, tarixi əhəmiyyəti ilə xalqımız üçün müstəsna dəyərə malik olan Qarabağın, o cümlədən Şuşanın zəngin mədəniyyətini, tarixini, təbiətini tanıtmaq, təbliğ etmək, yetişməkdə olan gənc nəslə çatdırmaqdır.
Tədbirdə əvvəlcə ölkəmizin ərazi bütövlüyü uğrunda canından keçən qəhrəman vətən oğullarının xatirəsi bir dəqiqəlik sükutla yad edilib. Ölkəmizi, həmçinin Şuşanı vəsf edən mahnılar, mədəniyyət beşiyimizin yetişdirdiyi incəsənət xadimlərinin əsərlərinin ifa edildiyi tədbir maraqlı və yaddaqalan olub.
Xəbərdən istifadə edərkən istinad etmək vacibdir.
