Zəfər Bayramı ərəfəsində Sumqayıt Dövlət Dram Teatrında "Missiya" mistik dramı təqdim olunacaq.
Xeberle.com xəbər verir ki, oktyabrın 29-da, noyabrın 1-də, saat 12.00-da, noyabrın 2-də və 3-də saat 14.00 , noyabrın 8-də saat 15.00-da, noyabrın 19-da saat 11.00-da "Missiya" öz vətənpərvərlik missiyasını yerinə yetirəcək.
Hafiz Ataxanlının qələmə aldığı "Missiya" mistik qəhrəmanlıq dramına teatrın baş rejissoru, respublikanın Xalq artisti Firudin Məhərrəmov quruluş verib.
Quruluşçu rəssam Elşən Sərxan oğlu,
musiqi tərtibatı sənətşünaslıq üzrə fəlsəfə doktoru Telman Qəniyevə məxsusdur.
Şuşa uğrunda döyüşən xüsusi təyinatlı zabit son anda ağır yaralanır, komaya düşür. Ruhlar aləmində 1992-ci ildə Şuşa uğrunda döyüşlərdə Şəhid olmuş atası ilə görüşür.
Zabit komadan ayılanda Ali Baş Komandanın "Əziz Şuşa, sən azadsan" sözlərini və qələbəni bayram edən insanların sevinc dolu səslərini eşidir. Əsər boyu bir çox tarixi faktlar tamaşaçılara çatdırılır.
Obrazları əməkdar artistlər Rauf Ağakişiyev, İlahə Səfərova, aktyorlar Şəmistan Süleymanlı, Oktay Mehdiyev, Habil Xanlarov, Dağlar Rüstəmov, Yalçın Səlimov, Rövşən Əsgərov, Məryəm Hüseynlı, Aynur Hümbətova, Rövşad İlyasov, Etibar Əmirov, Ceyhun Məhərrəmli, Elmir Mehdiyev, Zaur Şirinov, Ramazan Xanlarov canlandırırlar.
Teatrımız kollektiv sifarişlər də qəbul edir.
Şəhid ailələri və qazilər üçün giriş ödənişsizdir.
Xəbərdən istifadə edərkən istinad etmək vacibdir.
