Ümumilikdə sorğuda 250 nəfər iştirak edərək öz münasibətini bildirib. (https://www.facebook.com/sumqayitresmisehife/photos/a.290341734445247/1757384201074319/?type=3&theater),(https://www.instagram.com/p/ByLMJbpHpmz/)

Sorğuda iştirak edən şəhər sakinlərinin statistikasına nəzərə salsaq mütləq əksəriyyəti Sumqayıtda telekommunikasiya qovşağının fəaliyyətindən narazı olduqlarını bildiriblər.

Maraq doğuran, izləyici cavablarını sizə də təqdim edirik.

Məsələn,Elşad Şərifov adlı izləyicimiz internetin çox zəif olduğunu yazır: "Amma vaxt bitən kimi kəsirlər borca görə, birdə ki, bir ay pul olmayanda istifadə etmədiyin internetin də pulunu istəyirlər. Mən pul ödəməmişəm, internet istifadə etməmişəmsə niyə əlavə pul ödəməliyəm?".

Tural Sultanov adlı izləyici isə qeyd edir ki, bu sahədə süründürməçilik hökm sürür: "Pravayder atır ATS-in üzərinə, ATS də atır pravayderin üzərinə, zərər çəkəndə müştəri olur. Laqeydlik hökm sürür".

Vəfa Mustafazadə adlı izləyicimiz də Telekommunikasiya Qovşağının fəaliyyətini mənfi qiymətləndirir: "Nə internet pravayderdən razıyam, nə də ki, əməkdaşlarının fəaliyyətindən".

Vasif Əfəndi adlı izləyici isə"Aztelekom"u inhisarçılıqda ittiham edir: "İnternet bərbaddır. Aztelekom yaşadığım 21-ci mikrorayon ərazisini inhisara alıb, başqa operatorların buraya xidmət göstərməsi qadağandır. İmkanım olsa bu gün imtina edərəm".

Əli Nadirli də süründürməçilikdən şikayətçidir: "İnternet sürəti çox zəif, amma pulu bir gün gecikdirən kəsirlər. İş orasındadır ki, pulu ödəyirsən internetin açılması üçün 4-5 yerə zəng vurmalı olursan. Çox bərbad".

Şamil Nəzərov isə telefon nömrələri ilə də bağlı problemlərin yaşadığını deyir: "Bizdə əvvəlki nömrəmizdə başqa pravayderlere qoşulmaq olurdu.Nömrəmizi dəyişdirdilər, 8- lə elədilər. İndi deyirlər ki, ancaq Aztelekomla internetə qoşula bilərəm".

Ümidvarıq ki, şəhər sakinlərinin qeyd etdiyi problemlərlə bağlı Sumqayıt Telekommunikasiya Qovşağı müvafiq tədbirlər görəcək.