Sumqayıtlılar onlayn təhsilin keyfiyyətindən razıdırlarmı: rəsmi qurum və ekspertlər nə deyir? (AÇIQLAMA + İNFOQRAFİKA)

Artıq yeni tədris ili başlanıb. Təhsil müəssisələrinin hansı formada fəaliyyət göstərəcəyi ictimaiyyətə açıqlansa da, ən çox müzakirə olunan məsələ cari dərs ilinin əvvəlindən distant təhsilin tətbiqi barədədir. Gəlin görək, ölkəmizdəki təhsil müəssisələri distant təhsilə hazırdırmı? Cavabı uzatmayayaraq bildirək ki, xeyr. Bir çox ölkələrin 20 il əvvəl qurduğu distant təhsil sistemini Təhsil Nazirliyimiz hələ də qura bilmirsə, deməli bu 20 ildə bu qurum işini müasir tələblər səviyyəsinə qaldıra bilməyib. Çoxsaylı dövlət proqramlarının həyata keçirilməsinə baxmayaraq, Nazirlik distant təhsilə də hazır deyil.

"Distant təhsil düzgün qaydada həyata keçirilə billmirsə, bunun məsuliyyəti Təhsil Nazirliyində deyil, Rabitə Nazirliyindədir”

Təhsil üzrə ekspert Elşən Qafarov deyr ki, ilk olaraq vəziyyətə real yanaşmaq lazımdır, çünki problemin obyektiv və subyektiv səbəbləri var, öncə onlar araşdırılmalıdır. Obyektiv səbəb odur ki, hazırda ölkədə internet məkanı tam əhatə olunmayıb və son 6 ayda bununla əlaqəli işlər görülsə də, bütün ölkə internetlə təmin edilmədi. Bu məsələnin bir tərəfidir və problemi Rabitə və Texnologiya Nazirliyi həll etməli idi. İkinci bir tərəfdən isə hökumət ötən müddət ərzində ən azından ibtidai mərhələdə planşet, internet probleminin öhdəsindən gəlməli idi. 6 ay böyük müddət olsa da, bu kimi işlər həyata keçirilmədi. Müəllimlərin onlayn olaraq distant təhsilin tədrisi haqda seminarlara qoşulması təşkil olunmadı. Subyektiv tərəfləri isə ondan ibarətdir ki, təhsil ilinin başlanmasına 15 gün qalmış - 29 avqust tarixində 2020-ci ilin tədris planı haqqında qərar verildi və 5 sentyabrda bu qərar qəbul edildi. Sentyabrin 10-da isə Nazirlər Kabineti tədrisin qaydaları haqqında qərar verdi. Üstəlik dərslərin başlanmasına 5 gün qalmış virtual məktəbə qeydiyyat dayandırıldı. Əslində 6 ay müddətində çox işlər görmək olardı, Təhsil Nazirliyi fikirləşdi ki, teledərslər təşkil olunacaq və bununla vəziyyətdən çıxacaq. Lakin virtual dərslərlə bağlı işlər görülmədi.

Mütəxəssislər, illərdir distant təhsilin tədrisi ilə məşğul olan ölkələrdən nümayəndələr dəvət edilib bu problemi vaxtında həll etmək olardı. Ölkədə 1 milyon 600 min şagid, 152 min müəllim var, virtual məktəbdən qeydiyyatdan keçməklə əlaqəli ciddi addımları Təhsil Nazirliyi ötən müddətdə atmalı, hazırda sistemdə yaranan problem olmamalı idi.

Dərsin açılmasına bir neçə gün qalmış qərar verildi, təbii olaraq da sistemdə çökmələr müşahidə olundu. Hələ də virtual məktəb sistemi fəaliyyətini tam olaraq bərpa edə bilməyib. Bütün bunlar bir daha sübut etdi ki, savadından təhsilindən asılı olmayaraq, təhsilin idarə olunması fərqli bir amildir. Əslində biz yeni tədris ilinə başlamağa hazır deyildik. Pandemiya ilə əlaqəli olaraq bütün zəruri tədbirləri, dezinfeksiya işlərini Nazirlik vaxtında operativ həll edir, lakin bunlar məsələnin digər tərəfidir. Tədrisin təşkili ilə bağlı isə, Təhsil Nazirliyi hazır olmadığını göstərdi.

Təhsil Nazirliyinin rəsmisi: "Bütün şagirdlərin planşet və telefonla təmin olunması hazırda real görünmür"

Təhsil Nazirliyin ictimaiyyətlə əlaqələr şöbəsinin direktoru Cəsarət Valehov isə deyir ki, ayrı-ayrı məktəblərdə virtual sistemə qoşulma ilə əlaqəli problemlər var, lakin Təhsil Nazirliyi dayanmadan işlər aparır, problemin aradan qaldırılmasına çalışır: "O ki qaldı müvafiq texniki avadanlıqlarla təchizat məsələsinə, ölkənin bütün şagirdlərinin planşet və telefonla təmin olunması hazırda real görünmür, amma Nazirlik məktəblərdə olan internet şəbəklərindən, kompüterlərdən imkan daxilində istifadə olunması üçün müvafiq tapşırıqlar verib. Ucqar rayon və kəndlərimizdə isə yalnız distant təhsilin ümidinə qalmaqları şərt deyil.

Nazirlik teledərslər layihəsini həyata keçirir ki, vaxtında izləyə bilməyən şagirdlər nazirliyin səhifəsindən, youtube kanalında təkrar dərsləri izləyə bilərlər.

Kəndlərdəki vəziyyət çox ciddidir, bunu böhran kimi də dəyərləndirmək olar

İnformasiya və Kommunikasiya Texnologiyaları üzrə ekspert Osman Gündüz Xeberle.com-a açqlamasında tədris mövsümü başladığından təkliflər üçün gecikdiyimizi bildirib. O, regionlardan əldə etdiyi məlumatlara əsasən hesab edir ki, həm internet, həm də avadanlıqlarla təminat və müəllimlərin hazırlığı baxımdan distant təhsillə bağlı vəziyyət ürəkaçan deyil. Vəziyyətin yaxşılığa doğru düzəlməsi üçün ekspertin təklifləri var: "Hökumət Təhsil Nazirliyi, Rabitə və Yüksək Texnologiyaları Nazirliyini bir araya gətirərək sürətli keçid planı hazırlamalıdır. Kəndlərdəki vəziyyət çox ciddidir, bunu böhran kimi də dəyərləndirmək olar.

Yəni necə etməliyik ki, təhsil bu böhran durumundan çıxsın?! Çünki kəndlərdə 2G, 3G, ya da 4G yoxdur. Nazirliyin əlində internetin durumu ilə bağlı rəqəmlər var. Bu rəqəmlərdə hansı məktəbin ərazisində vəziyyətin necə olduğu bəllidir.

Bunun üçün düşünürəm ki, ilk olaraq mobil operatorlarla əlaqə qurularaq güzəştli paketlər yaradılmalıdır, məktəblərdəki kompüter və avadanlıqlar şagirdlərə verilə bilər. Bundan başqa, hökumət özü büdcədən aztəminatlı hissə, həssas ailələr üçün vəsait ayıraraq kompüter, planşet verməlidir. Əhalinin digər təbəqəsi üçün də müəyyən addımlar atmaq olar".

Nəqliyyat, Rabitə və Yüksək Texnologiyalar Nazirliyindən isə sualımıza cavab tapa bilmədik.

Bəs Sumqayıt sakinləri necə düşünür?

Elə bu məqsədlə respondentlərə sosial şəbəkədə "Onlayn dərslərin keyfiyyəti sizi qane edirmi?" sualı ilə müraciət etdik.

Sorğuda ümumilikdə 268 nəfər respondent iştirak edib. Respondentlərdən 183 nəfəri "Xeyr, övladlarımız heç nə öyrənə bilmir", 65 nəfəri "Sadəcə dərs xatirinə keçirilir", 20 nəfəri "Məni qane edir, belə daha yaxşıdır" cavabını verib.

Ramil Zeynallı

Onlayn dərs
Infogram

Xəbərdən istifadə edərkən istinad etmək vacibdir.

Sumqayıtlılar onlayn təhsilin keyfiyyətindən razıdırlarmı: rəsmi qurum və ekspertlər nə deyir? (AÇIQLAMA + İNFOQRAFİKA)

Azərbaycanda it dişləyən 10 yaşlı oğlan quduzluqdan ölüb

Ramiz Mehdiyev AMEA-da islahatlara başlayır

Ötən gün 2 nəfər yol qəzalarında həlak olub

Putinin əsl hədəfi Ukrayna deyilmiş...

6 mart 1955-ci il... (Rəsulzadənin dəfn fotoları)

“Komissar Nazim” adı ilə tanınan narkotacir saxlanıldı -FOTO