Bu sözləri Xeberle.com-a açıqlamasında Sumqayıt şəhər Bələdiyyəsinin sədr müavini Musa Həsənov deyib. M. Həsənov bildirib ki, bununla bağlı tədbirlər planı hazırlanıb və bu istiqamətdə fəaliyyət davam edir: ""Yaşıldərə” yaşayış massivində sənəd vermək mümkün olduğu yaşayış evlərinin qeydiyyatı aparılıb və eyni zamanda qanunla icazə verilməyən ərazilərdə tikilən evlər də dəqiqləşdirilib. Bələdiyyə tərəfindən sənədləşmə üçün heç bir problem yoxdur və qanun çərçivəsində sənədləşməsinə icazə verilən bütün evlər sənədləşdiriləcək. Yaxın zamanlarda dəqiq rəqəmlər açıqlanacaq ki, neçə mənzil sənədləşdirilib və neçəsi isə qanunsuz ərazidə tikildiyi üçün sənədləşdirilməsi mümkün deyil”.