Bayram günləri ilə əlaqədar qeyri-iş günlərində (20-26 mart) TƏBİB-in tabeliyindəki Sumqayıt Tibb Mərkəzinin Təcili Təxirəsalınmaz Tibbi Yardım Stansiyasına (TTTYS) və onun struktur bölmələrinə 2835 müraciət daxil olub.
Xeberle.com xəbər verir ki, bu barədə Sumqayıt Tibb Mərkəzi məlumat yayıb. Bildirilib ki, ən çox müraciət 22 mart tarixində qeydə alınıb. Belə ki, həmin gün TTTYS-ə 438 müraciət edilib.
Qeyri -iş günlərində TTTYS-ə zəhərlənmə şübhəsi ilə 7 nəfər müraciət edib. Onlara zəruri yardımlar edilib və xəstəxanaya yerləşdiriliblər.
Xəstəxanaya yerləşdirilənlərdən 5-i qadın, 2-si kişi olub. Onlardan 3-ü dərmandan, 1 nəfəri sirkə turşusundan, 1 nəfəri tüstüdən, 2 nəfəri isə spirtli içkidən zəhərlənib.
Xəbərdən istifadə edərkən istinad etmək vacibdir.
