Bildiyimiz kimi, ölüm səbəbinə görə dünyada ilk yerlərdən birini ürək-damar xəstəlikləri tutur. Həyatı tərk edənlər də çoxalıb. Qəzaları, bədbəxt hadisələri çıxsaq, vəfat edənlərin çoxu xəstəliklərin ucbatından dünyasını dəyişir. Hazırda Azərbaycanda ölümə səbəb olan xəstəliklər sırasında birinci yerdə ürək xəstəlikləri gəlir.
Ürək qapaq xəstəliklərinin risk faktorları nələrdir?
Mövzu ilə bağlı Doktor.az klinikasının həkim-kardioloqu Səadət Məmmədova ilə həmsöhbət olduq. O qeyd edib ki, ürək qapağı xəstəlikləri ürəyimizdəki bir və ya bir neçə qapaq düzgün işləmədikdə baş verir:
"Ürək damar xəstəliklərinin dəyişdirilməsi mümkün olmayan risk faktorlarına xəstənin yaşı, cinsi və irsiyyəti aid edilir. Belə bir patologiyanın meydana gəlməsinə meylli amil ola biləcək şərtlərin siyahısı olduqca genişdir. Ürək qapağı xəstəlikləri ürəyimizdəki bir və ya bir neçə qapaq düzgün işləmədikdə baş verir. Bəzi səbəblər müxtəlif ürək qapağı xəstəlikləri riskini artıra bilər. Bura revmatizm, yaş, ürəyə təsir edən yolxucu xəstəliklər, infarkt, ürək əzələsi xəstəlikləri, anadangəlmə ürək xəstəlikləri, bəzi antibiotiklərin/dərmanların venadaxili intensiv istifadəsi və törəmələr”.
Elşən Yəhyayev
Xəbərdən istifadə edərkən istinad etmək vacibdir.
