"Araşdırmalar göstərib ki, qızılca zamanda orqanizmdə A vitamini kəskin düşür. Hiporetinemiya yəni qanda retinol səviyyəsinin azalması baş verir".
Bunu pediatr Aytən İsmayılzadə deyib. Onun sözlərinə görə, nəinki qızılca keçirməyən və pis qidalanan uşaqlarda, hətta yaxşı qidalanan, amma qızılca olan uşaqda A vitamini kəskin enir:
"Əgər uşaqda vitamin A yetərli deyilsə və qızılca səbəbilə də bu depo bir az da azalırsa, ağırlaşma riski artır. Çünki bildiyimiz kimi, A vitamini epitelial örtüklərin tamlığını qoruyur. Qızılcada isə bu örtüklər zədələnir. Dəridə gördüyünüz səpkilərdən hər yerdə olur, gözdə, daxili orqanlarda və s. Yəni virus təsiri ilə baryerlər zədələnir, sətəlcəm inkişaf edir, beyin toxuması da prosesə qoşula bilir.,
Vitamin A da çatışmırsa, bu hadisənin daha pis şəkildə baş vermə ehtimalı var. Ümumdünya Səhiyyə Təşkilatı xüsusilə vitamin A azlığı yaşanan regionlarda onun yüksək dozada verilməsini təklif etdi".
Pediatr yaşa görə vitaminin hansı dozalarada verilməsi gərəkdiyini də açıqlayıb:
"Qızılca zamanı A vitamini yüksək dozada və birdəfəlik olaraq verilir. Yəni bir gün, bircə dəfə, günlərlə verilmir.
6 aydan kiçik uşaqlara 50000 BV, 6-12 ay 100 000 BV, bir yaşdan yuxarı 200 000 BV verilməlidir.
Vitamin A yüksək dozada uzun muddət istifadə edilməməlidir. Onun da toksiki təsiri ola bilər. Çünki bu qızılcanı önləmək üçün deyil. bunun üçün ancaq peyvənd lazımdır".(Ölkə.Az)
Xəbərdən istifadə edərkən istinad etmək vacibdir.
