Sumqayıt Tibb Mərkəzinin nəzdində olan Perinatal Mərkəzində yüksək risk qrupuna daxil olan hamilədə mürəkkəb əməliyyat həyata keçirilib
Mərkəzin İctimaiyyətlə əlaqələr bölməsindən Xeberle.com-a verilən məlumata görə, 28 yaşlı qadın 30 həftəlik hamiləlik, vaxtından əvvəl doğuş təhlükəsilə Perinatal Mərkəzinə daxil olub. Qadına uşaqlıqda çapıq, cift gəlişi, ciftin həqiqi bitişməsi diaqnozları qoyulub.
Pasiyent üzərində qeysəriyyə kəsiyi və subtotal histerektomiya cərrahi əməliyyatını Sumqayıt Tibb Mərkəzinin həkim-cərrahı Elvin Mirzəyev uğurla icra edib.
Hazırda zahı qadının vəziyyəti qənaətbəxşdir. Vaxtından əvvəl, hamiləliyin 30-cu həftə müddətində 1 500 qram çəkidə olan uşağın vəziyyəti stabildir, müvafiq kliniki protokollara uyğun olaraq tənəffüs və antibakterial terapiya alır.
Xəbərdən istifadə edərkən istinad etmək vacibdir.
