Son vaxtlar qeysəriyyə əməliyyatlarının sayı artıb.Biz bu gün qeysəriyyə əməliyyatının fəsadlarından danışacayıq. Rubrikamızın qonağı Sumqayıtda  1 saylı qadın məsləhətxanasında  ginekoloq işləyən  Sevil Musayevadır.
- Qeysəriyyə əməliyyatının fəsadları barədə danışardınız.
- Qeysəriyyə əməliyyatının fəsadları əksər hallarda özünü 4-5-ci sutkasında göstərir. Septik fəsadlar, qanaxma, sidik kisəni və düz bağırsağın zədələnməsi halları müşahidə olunur. Qeysəriyyə zamanı qadın ana olaraq  doğuş hissləri keçirmir və demək olar ki, ana instikti zəifləyir. Təbii yolla doğan qadınlara nisbətən qeysəriyyə kəsiyindən sonra qadın daha da gec bərpa olunur.  
- Qeysəriyyə  əməliyyatı ilə dünyaya gələn uşaqlarda hansı problemlər yaranır?
- Təbii yolla  ilə doğulan uşaqlar-artıq doğuş dövrü,doğuş yollardan keçən zaman bir növ adaptogen təcrübəni qazanırlar.Qeysəriyyə əməliyyatından çıxan uşaqlar isə bu təcrübəni, immuniteti qazana bilmirlər.
- Bəs qeysəriyyə əməliyyatının üstünlükləri varmı?
- Birinci, qeysəriyyə kəsiyi o vaxt olunur ki, qadın təbii yolla doğa bilmir. Və qeysəriyyə kəsiyin bu zaman məqsədi-ananın və uşağın sag-salamat qurtarılmasıdır. İkinci,üstünlüyü qeyd etmək lazımdır ki, ana əməliyyat zamanı ağrıları hiss etmir, doğuş prosesinin əziyyətini çəkmir. Bəzi qadınlar məhz buna görə hamiləliyini bu cür qurtarmaq istəyirlər.
- Qeysəriyyə əməliyyatına neçə dəfə icazə verilir?
- Əgər qadının sağlamlığı imkan verirsə qeysəriyyə əməliyyatı 3-4 dəfə ola bilər.
- Uşaq yaşlarından sudurqa keçirmiş xanımlara təbii yolla doğuş mümkündürmü?
- Bu hallar əgər qadında hamiləliyə qədər yaranmırsa, təbii yolla doğa bilər.
- Məlumata görə qeysəriyyə ilə doğulan  uşaqlarda təbii yolla doğulan uşaqlardan yeddi dəfə çox asma tənəffüs xəstəliyinə tutulma riski var.
Bu barədə nə deyərdiniz?
- Mən deməzdim ki, asma xətəliyinə  bu cür uşaqlarda tez-tez tast gəlinir,amma qeysəriyyə əməliyyatı ilə doğulan uşaqların immuniteti nisbətən aşağı olur.
- Qeysəriyyə əməliyyatı keçirən qadınlarda neçə müddətdən sonra tam olaraq özlərinə gəlirlər?
- Qeysəriyyədən sonra qadınlar 40 gün ərzində tam bərpa olunurlar.
- Hamilə qadın qeysəriyyə əməliyyatına qarşı necə mübarizə aparmalıdır?
- Hamilə qadına qeysəriyyə əməliyyatı haqqında ətraflı məlumat vermək lazımdır. Onun ağırlaşmalar və üstünlüklərindən danışmaq lazımdır. Məncə, ağırlaşmalar daha çoxdur.
- Sumqayıt şəhərində çalışırsınız. Sizə müraciət edən xanımlar daha çox təbii doğuşa, yoxsa qeysəriyyə əməliyyatına üstünlük verirlər?
- Sumqayıtda analar daha çox təbii yolu seçirlər və öz istəklərini yerinə yetirirlər.
- Sonda qeysəriyyə əməliyyatına müraciət edən xanımlara nə məsləhət verərdiniz?
- Əziz xanımlar, Allah bizə böyük bir xöşbəxtlik bəxş edib-analıq. Gəlin,onu necə lazımdır qəbul edək. Doğuş zamanı Allah kömək edir, qüvvə verir. Analığa biz psixoloji hazır olmalıyıq. Bu yolda həkimlər sizə kömək etməyə hazırdırlar!
Zeynəb Abdullah
Xeberle.com