"Kanal müalicəsi (endodontiya) baxımsız və müalicə olunmayan karies səbəbiylə dişlərin infeksiyaya yoluxduğu hallarda edilən müalicə üsuludur”.
Bunu Xeberle.com-a açıqlamasında "Axior Dent” diş klinikasının həkim-stomatoloqu Kübra Bəxtiyarlı deyib. O qeyd edib ki, diş kökünün içərisində dişi qidalandıran damar-sinir toxuması var: "Bu toxuma diş çürüməsi səbəbindən zədələnir və gələcəkdə iltihab nəticəsində dişlərdə ağrıların əsasını təşkil edir. Bu, dişdəki sinir özünü bərpa edə bilməyəcək dərəcədə zədələndiyi zaman tətbiq edilən müalicə üsuludur”.
Xəbərdən istifadə edərkən istinad etmək vacibdir.
