Həkimlər dünyada qeyri-kiçik hüceyrəli ağciyər xərçənginin müalicəsinə (PDQ) qarşı ilk mRNT peyvəndini insanlarda sınaqdan keçirməyə başlayıblar. Araşdırma yeddi ölkəni əhatə edib.
Xeberle.com məlumat verir ki, bu barədə Britaniyanın "The Guardian” nəşri məlumat yayıb.
Ağciyər xərçəngi hər il 1,8 milyon insanın həyatına son qoyur və bütün xərçəng növləri arasında əsas ölüm səbəbi olaraq qalır. PDQ xəstəliyin ən çox yayılmış forması hesab olunur.
BNT116 adlanan dərmanın klinik sınaqlarının birinci mərhələsi Böyük Britaniya, Macarıstan, Türkiyə, Almaniya, ABŞ və Polşada 34 tibb mərkəzində başlayıb. Sınaqda xəstəliyin müxtəlif mərhələlərində olan 130-a yaxın xəstə iştirak edəcək.
Alimlərin fikrincə, peyvənd xəstənin orqanizmini xərçəng hüceyrələrini ovlamağa və məhv etməyə məcbur edir, sonra isə onların yenidən yaranmasının qarşısını alır. Məqsəd, sağlam hüceyrələrə toxunulmadan insanın xərçəngə qarşı immun reaksiyasını gücləndirməkdir.
Həkimlərin fikrincə, immunoterapiya xərçəngin dördüncü mərhələsində olan insanların 30%-ə qədərinin həyatını xilas etməyə kömək edir. Mütəxəssislər peyvəndin sağ qalma nisbətini artıracağına ümid edirlər.
Xəbərdən istifadə edərkən istinad etmək vacibdir.
