Gözlərin vəziyyəti bədənin ümumi sağlamlığından, xüsusən də damar və sinir sistemlərindən asılıdır. Qeyri-sağlam qidalanma göz və görmə problemlərinə səbəb ola bilər.
Xeberle.com məlumat verir ki, bu barədə rusiyalı oftalmoloqu Nataliya Boş deyib.
Onun sözlərinə görə, yağlı və duzlu qidalar tor qişanın qan damarlarını zədələyə bilər:
"İnsanın ümumi rifahını və vəziyyətini pisləşdirən hər şey görmə kəskinliyini də azaldır. Məsələn, pəhrizdə şirin qidaların çox olması şəkərli diabetə gətirib çıxarır ki, bu da öz növbəsində kataraktın inkişafına və tor qişada diabetik dəyişikliklərə səbəb olur. Müalicə edilməzsə, hətta korluğa da səbəb ola bilər. Yağlı və duzlu qidalar qan təzyiqini artırır. Bu, damar patologiyalarına, qanaxmalara, tromboz və retinal damarların emboliyasına səbəb ola bilər”, - deyə mütəxəssis misal çəkib.
Xəbərdən istifadə edərkən istinad etmək vacibdir.
