"AZERCELL” şirkətinin Göz və diş klinikasının həkimləri
tərəfindən "Xəzər Qayğıkeşlik Layihəsi” Humanitar İctimai Birliyinin
layihəsi çərçivəsində Sumqayıt şəhərində məskunlaşan bir qrup Kəlbəcər
rayonundan olan məcburi köçkün təmənnasız müayinə edilib.
Bu günə kimi 70 nəfərdən artıq məcburi köçkün səyyar qaydada keçirilən humanitar aksiyadan faydalanıb.
Qeyd edək ki, iyulun 1-dən start götürən sözügedən aksiya bu ayın 25-nə kimi davam etdiriləcək.
Məcburi
köçkünlər belə qayğı və diqqətə, humanist addıma görə "Xəzər
Qayğıkeşlik Layihəsi” Humanitar İctimai Birliyinin sədri Tofiq
Teymurova, klinikanın tibbi layihələr üzrə meneceri Lalə Mahmudovaya,
"AZERCELL” Göz və diş klinikasının həkim-oftalmoloqu Günel
Xalıqverdiyevaya, həkim-stomatoloq Mahirə Musayevaya, klinikanın tibb
bacısı Səyyarə Səmədovaya, sürücü Elçin Ələkbərova, layihənin rəhbəri
Gültəkin Məmmədovaya və Natiq Rəfiyevə təşəkkürlərini bildiriblər.(moderator)
Xəbərdən istifadə edərkən istinad etmək vacibdir.
