Sumqayıt şəhər 2 nömrəli uşaq poliklinikasında "Bir yaşa çatmış uşaqlar günü” tədbiri keçirilib.
Xeberle.com məlumat veriir ki, tədbirin keçirilməsində məqsəd eyni yaşa çatmış uşaqların fiziki və psixi inkişafının qiymətləndirilməsi, anaların körpə uşaqlara qulluğu və düzgün qidalanma məsələləri, digər gənc analara tövsiyələrin verilməsi və uşaqların sağlamlığının mühafizəsi sahəsində maarifləndirmə işlərinin aparılması olub. Tədirdə poliklinikanın müvafiq pediatrik sahələri üzrə bir yaşa çatmış körpələrin anaları, yeni doğulma dövründə uşaqları olan analar, tibb işçiləri və digər qonaqlar iştirak edib. Tədbiri giriş sözü ilə açan Sumqayıt şəhər 2 nömrəli uşaq poliklinikasının baş həkimi Maisə İsmayılova poliklinika üzrə bir yaşa çatmış uşaqlar barədə ətraflı məlumat verərək onların fiziki və psixi inkişafının vəziyyətini qiymətləndirib. Sonra bu ilin oktyabr ayında bir yaşına çatmış 1 üçəm və 1 əkiz uşaqların sahə həkimləri və anaları çıxış edərək onların normal fiziki-psixi inkişafına nail olunmasında anaların və tibb işçilərinin birgə əməyini xüsusi qeyd ediblər. Həmçinin gənc analara körpələrin ana südü ilə təbii qidalanmasının onların normal inkişafına müsbət təsirini tövsiyə ediblər. Sonra analara bir yaşa çatmış uşaqların sonrakı yaş dövrlərində inkişafına dair geniş məsləhətlər verilib. Sonda bir yaşına çatmış uşaqların analarına hədiyyələr təqdim olunub.
Xəbərdən istifadə edərkən istinad etmək vacibdir.
