Qışa əlvida deyib, yeni bir mövsümü qarşıladığınız bu günlərdə yatmaq istəyi, yorğunluq, əzələ krampları və oynaq ağrıları başınıza bəla olub?
Xeberle.com Metbuat.az-a istinadən məlumat verir ki, mütəxəssislər yaz yorğunluğundan xilas olmaq üçün günəş işığından daha çox yararlanmağı, idmanla məşğul olmağı və sosiallaşmağı məsləhət görüblər.
Həkim Yıldız Ərdoğanoğlu serotonin hormonunun (xoşbəxtlik hormonu) yaz yorğunluğuna səbəb olduğunu açıqlayıb: "Qaranlıq qış günlərində bədəninizin serotonin hormonunu saxlaması mümkün olmamış, buna qarşılıq yuxu hormonu olan melatonin hormonunun bədəninizdəki ifrazı yüksəlib".
Həkim yaz yorğunluğundan xilas olmaq, yeni mövsümə uyğunlaşmaq üçün insanlara bəzi məsləhət verib: "Ən yaxşı müalicə gün işığıdır. Hər gün, xüsusilə, günortadan sonra gün işığı almaq bioloji mexanizmləri təkrar hərəkətə keçirəcək. Qidalanmanıza diqqət edin. Meyvə və tərəvəzlərlə, C vitamini tərkibli qidalarla qidalanın. Mövsümi yorğunluğu aradan qaldırmaq üçün mütləq idmanla məşğul olun. Təbiət oyanarkən siz yatağınıza girib yatmayın. Gözəlliklərdən həzz alın, dostlarınızla vaxt keçirin”.

Xəbərdən istifadə edərkən istinad etmək vacibdir.