Sumqayıtda ümummilli lider Heydər Əliyevin anadan olmasının 94-cü ildönümü ilə əlaqədar akademik Zərifə Əliyeva adına Milli Oftalmologiya Mərkəzi və Sumqayıt şəhər Səhiyyə Şöbəsinin birgə təşkilatçılığı ilə humanitar aksiya keçirilib.
Xeberle.com AZƏRTAC-a istinadən xəbər verir ki, mayın 8-də şəhər səhiyyə şöbəsinin həyətində Milli Oftalmologiya Mərkəzinin Mobil Diaqnostika Kompleksində pasiyentlərin müayinəsi və cərrahiyyə əməliyyatının aparılması üçün yüksək səviyyədə şərait yaradılıb.
Gün ərzində 250-yə yaxın şəhər sakini Milli Oftalmologiya Mərkəzinin yüksəkixtisaslı həkimləri tərəfindən müayinələrdən keçiblər. Bununla yanaşı, ixtisaslaşmış həkim briqadası tərəfindən katarakta xəstəliyi diaqnozu ilə 20–yə yaxın cərrahiyyə əməliyyatı aparılıb, ehtiyacı olan pasiyentlər daha geniş müayinə və müalicə üçün Milli Oftalmologiya Mərkəzinə göndərilib.
Xəbərdən istifadə edərkən istinad etmək vacibdir.
