"Körpələr ana südü ilə qidalanmalıdır. Ana südü ilə qidalanan körpələrin immuniteti güclü olur. Körpəyə bir-iki il ərzində südün verilməsi süd vəzi xərçənginin qarşısını almaq üçün böyük əhəmiyyət kəsb edir.”
"Xeberle.com”-un məlumatına görə, bu sözləri "Ana südü ilə qidalanmanın əhəmiyyətinə dair” seminarda çıxışı zamanı Sumqayıt şəhərinin baş pediatrı Xalidə Quliyeva deyib.
X.Quliyeva qeyd edib ki, ana südü körpədə infeksiyalarına yoluxma riskini xeyli azaldır. Baş pediatr bildirib ki, körpələr 2 yaşına qədər ana südü ilə qidalanmalıdır: " "Altı aya qədər isə bu daha vacib xarakter daşıyır. Analar bu məsələyə ciddi yanaşmalıdırlar. Hazırda körpələrin 86% 3 aya qədər ana südü ilə qidalanırlar.”
Sumqayıtın baş pediatrı çıxışında ana ölümlərinə də toxunub. O, son hadisəyə kimi Sumqayıtda ötən 4 ildə ana ölümünə rast gəlinmədiyini vurğulayıb.
X.Quliyeva hər il Sumqayıtda 8000 körpənin doğulduğunu da diqqətə çatdırıb. Uşaq ölümlərinə gəldikdə isə baş pediatr bildirib ki, hər 1000 doğulan uşağa 8 körpə düşür.
O,son zamanlar uşaq ölümlərinin kəskin azaldığını da sözlərinə əlavə edib.
Xeberle.com
Xəbərdən istifadə edərkən istinad etmək vacibdir.
