"Naftalan Otel Qaşaltı müalicə mərkəzində müalicə almaq üçün gələn müştərilər neft ilə günəş şüasını, elektrik və şüa müalicəsi, müalicə məqsədli gimnastik, müalicə məqsədli mədən suları, tıbbi masaj qəbulundan və pəhriz yeməklərindən faydalana bilərlər".
Xeberle.com Naftalan Otel Qaşaltının Baş Meneceri Rasim Mirzəyevlə olan müsahibəni təqdim edir.
- İlk olaraq Naftalan Otel Qaşaltı sanatoriyası barədə məlumat verərdiniz.
- Naftalan Otel Qaşaltı yeni memarlıq üslubu ilə bərabər, öz strukturuna bir çox müxtəlif məkanlara sahib olması sayəsində qonaqlara burada qaldıqları müddət ərzində davamlı olaraq yeni bir yaşayış məkanını kəşf etmək imkanı verir. Naftalan şəhərinin bütün təbii gözəlliklərini özündə ehtiva edən Naftalan Otel Qaşaltı, şəhərin sakit, səs-küydən uzaq, məftunedici atmosferi və bu atmosferlə tamamlanan memarlıq üslubu ilə 5000 kvadratmetr sahədə yerləşib.
Naftalan Otel Qaşaltı, əsas bina, fitnes zalı, əyləncə mərkəzi olmaqla 3 müxtəlif binadan ibarətdir. Otel Naftalan şəhərinə 4 kilometr və Gəncə şəhərinə isə 55 kilometr məsafədə yerləşir. Standart, Deluxe, Junior Suit, Deluxe Suite, Presidential və Villalar kimi müxtəlif qonaqlama seçimləri mövcuddur. Türkiyə və Azərbaycan mətbəxlərinin ən seçilmiş yeməkləri ilə qulluq göstərən "Laləzar" restoranı, bədən və psixoloji sağlamlıqla bağlı hər cür müalicə, profilaktika və gözəllik xidmətləri təqdim edən Naftalan şəhərinə məxsus neft ilə müalicə sağlamlıq mərkəzi, vaxtınızı xoş keçirə biləcəyiniz əyləncə mərkəzi, 1 ədəd qapalı üzmə hovuzu və müxtəlif xidmət vasitələri ilə Naftalan Otel Qaşaltı üstün və lüks bir istirahət anlayışına sahib olduğunun açıq sübutudur.
- Sanatoriyada insanlara hansı xidmətlər təklif olunur?
- Naftalan nefti tünd qəhvəyi rəngli, özünə məxsus ətirli mayedir. Normal temperaturda uzun müddət fiziki və kimyəvi xüsusiyyətlərini qoruyur. Naftalan neftinin əsas təsiredici maddəsi naften karbohihdratlardır (özündə bir çox fermentlərin, hormonların və digər fizioloji aktiv maddələrin tərkibində olan tsiklopentan - perhidrofenantren skeletinin olması ilə bağlıdır. Naftalan neftinin tərkibində potasium (K), kalsium (Ca), maqnezium (Mg), yod (I), xlor (Cl), potasium karbonat (K2CO3), sink (Zn) kimi minerallar vardır və bunlarda Naftalan neftinin müalicəvi keyfiyyətlərini əhəmiyyətli dərəcədə artırır. İçərisində naften karboidrogenlər 50-55 %, 14-15 % aromatik karbohidrogenlər və 14-16 % qətranlı maddələr vardır. Təbii Naftalan neftində benzin, kerosin, ligroin, parafin yoxdur və 0.25 – 0.30 % kükürd, 0,3% azot vardır. Neft terapiyanın əsası Naftalan vannalarıdır. Naftalan vannalarında temperatur 37, 38 °C olub, müalicə forması ümumilikdə müəyyən müddətlərlə 10-12 neft vannası qəbul etməkdir. Neft Mərkəzində tətbiq olunan müalicə formaları müalicə məqsədilə 8 dəqiqədən 10 dəqiqəyə qədər çəkən və 37-38 °C temperaturdakı neftlə doldurulmuş vannaya həftədə 4-5 dəfə girilir. Bundan sonra isə xüsusi neft təmizləyən cihazın köməyilə bədən səthindəki neft təmizlənir, bunun ardınca xəstələr sabunla 34-36 °C temperaturdakı təbii qələvi quyu suyu ilə yuyunur və otaqlarda 30-45 dəqiqə dincəlirlər. Naftalan Otel Qaşaltı müalicə mərkəzində müalicə almaq üçün gələn müştərilər neft ilə günəş şüasını, elektrik və şüa müalicəsi, müalicə məqsədli gimnastik, müalicə məqsədli mədən suları, tıbbi masaj qəbulundan və pəhriz yeməklərindən faydalana bilərlər. Neft terapiyası mahiyyət etibarilə, Naftalan Otel Qaşaltı neftin köməyilə yüksək texnologiya ilə təchiz edilmiş bir tibbi profilaktika mərkəzidir. Neft ağrıkəsici, iltihab əleyhinə, allergiya əleyhinə təsirlərə malikdir, metabolik sıxlıqlı prosesləri hərəkətə gətirir, spermatogenezi stimullaşdırır, yumurtalama və yumurta yaranması prosesini sürətləndirir. Bunun üçün təbii naftalandan və təbii qətransız naftalandan istifadə olunur.
Bu müalicənin ən yaxşı üsullarından biri kimi qəbul edilir və onun istifadəsi bir çox tibb sahəsində mühüm əhəmiyyətli olmuşdur, bunların sırasında aşağıdakılar vardır:
• Periferik damar xəstəlikləri,
• Dermatoloq,
• Urologiya,
• Angiologiya,
• Nevroloq,
• Ginekologiya,
• Qulaq, burun və boğaz.
Naftalan müalicəsinin təsirli olduğu sahələr:
I. Dayaq-hərəkət sistemi xəstəlikləri:
• Rematoid artrit, poliartrit,
• Politravmatik deformasiyalar,
• Podaqra, podaqra poliartriti, xoşxassəli, poliartrit, vibrasiyon xəstəlikləri,
• İntervertebral osteoxondroz, spondiloartoz,
• Deformasiyalı spondiloz,
• Çıxıntı və kiçik bir disk qrijası,
• Yumşaq toxuma xəstəlikləri (bursit, periartrit, tendovaginit, miozit, mialgiya miofassit bexterev xəstəliyi).
II. Periferik sinir sisteminin xəstəlikləri:
• Radial, ulnar, omba, arxa baldır və ön baldır sinirlərinin nevriti,
• Üçlü sinirin, peysər sinirinin, oturaq sinirinin nevralgiyası və qabırğaarası nevrologiya,
• Radikulit, radikulonevrit,
• Çiyin pleksiti və boyun - çiyin radikuliti.
III. Periferik damar xəstəlikləri:
• Aşağı ətraf arteyalarının endoartriti veateroskleroz,
• Aşağı ətrafların varikoz damar genişlənməsi,
• Aşağı ətraflarda Tromboflebit, limfostaz,
• Reyno xəstəliyi,
• Trofiki yaralar,
• Flebit,
• Xroniki osteomielit.
Azərbaycan və Türk mətbəxinin böyük bir parçası və geniş bir ventilyasiya sistemi ilə müxəlif beynəlxalq dadların cəlbediciliyi ilə xüsusi yemək zövqünüzü birinci yeməkdən şirniyyata qədər həyəcanverici bir səyahət halına gətirəcək, canlı şoularla hazırlanan yeməklər və açıq bufetdən ibarət həyəcanverici bir restorandır:
Səhər yeməyi 07:00 – 10:00 Açıq bufet,
Nahar yeməyi 12:30 – 14:30 Açıq bufet,
Şam yeməyi 18:30 – 20:30 Açıq bufet.
Lobby Bar
Günə isti bir qəhvə ilə başlaya bilər, bir bitki çayı ilə stresinizi ata bilər və ya gərgin keçən bir günün sonunda ləzzətli bir kokteyl ilə günün yorğunluğunu ata bilərsiniz. Yerli və xarici markalardan seçdiyimiz içki menyusundan, yeyəcəklərinizi də xüsusi lobby lounge menyusundan seçə bilərsiniz. Lobby Barımız əlavə ödəmə əsasında 24 saat xidmət göstərir.
Lobby Lounge beynəlxalq mətbəxlərdən ruhlanaraq hazırlanan operativ və ləziz menyusu ilə xidmət göstərir. Bu bölmədə yer alan lobby lounge həftənin 7 günü 12:00 – 24:00 saatları arasında servis təqdim edir. Əlavə ödəmə əsasında olmaqla xidmət göstərir.
Otaq xidməti
Naftalan Otel Qaşaltı beynəlxalq menyusundan ağ və qırmızı şərabla müşayiət olunmaqla, otağınızın rahatlığını saxlanmasını üstün tuta bilərsiniz, sizlər üçün xüsusi olaraq hazırlanmış zəngin menyumuz ilə 24 saat xidmətinizdə olan otaq xidmətinə zəng edə bilərsiniz. Əlavə ödəmə əsasında olmaqla xidmət göstərir.
Vitamin Bar
Naftalan Otel Qaşaltı Spa daxilində yerləşən, təzə çəkilmiş meyvə suları, müalicəvi, arıqlama və antioksidant içkilərinin təqdim olunduğu, sağlam içki barıdır. Əlavə ödəmə əsasında 10:00 - 18:00 aralığında xidmət göstərir.
Hərəkətli həyat tərzi ilə gününüzə rəng qatan əyləncə mərkəzimiz, müasir və həyəcan verici fəaliyyətlər və operativ yemək, içki servisimiz ilə xidmət verən bu məkanımız, sizləri əyləncəyə dəvət edir. Mərkəzimizdə əlavə ödənişli olaraq xidmət verilməkdədir. Bilyard, tenis və bouling müsabiqələri, Play Station ilə ən son texnoloji oyunlar və sərhədsiz əyləncə təqdim edən əyləncə mərkəzimiz xoş vaxtınızın imtina edilməz ünvanı olacaq. Boulinqlə stresinizi ata biləcəyiniz, bilyardla sakitləşəcəyiniz, dartla hədəfə bağlanacağınız, kinozalda pərəstişkarı olduğunuz aktyor və aktrisaları izləyə biləcəyiniz, internetdə sörf edib, əylənə biləcəyiniz mərkəzimizin qapılarını açmağa nə deyirsiniz?!
Gülərüzlü xidmət heyətimiz sizin rahatlığınız və istirahətiniz üçün hər zaman qulluğunuzdadır.
SPA qonaqların bütün ehtiyaclarına cavab verir. SPA-da qapalı üzmə hovuzu və Vitamin bar var. SPA-da 3 masaj otağı 1 sauna, 1 buxar vannası və 1 qar çeşməsi var. Bütün bunlar və Vitamin bar sizlərə xidmət etməkdədir. Sauna, Türk hamamı, qar çeşməsi, Fitnes mərkəzi kimi rahatlama və sağlam yaşamı özündə cəmləşdirməklə yanaşı, sizlərə xüsusi proqramların da daxil olduğu, xüsusi xidmətlər təqdim edir. Naftalan Otel Qaşaltı SPA-nın sehrli dünyasında sakitləşdirən və rahatlıq verən xidmətlərlə özünüzü yeniləyin. Burada siz yalnız dincələcəksiniz, hər cür istək və ehtiyaclarınızla biz maraqlanacağıq. Sadəcə dincəlin, dərin bir nəfəs alın və daha əvvəl yaşamadığınız bir rahatlığın sizi əhatə etməsinə icazə verin.
- Sizin sanatoriyanı digər sanatoriyalardam fərqləndirən əsas cəhətlər hansılardır?
- Naftalan Hotel Qaşaltı verdiyi müalicələrin keyfiyyətli və çox şahəli olduğuna görə, müasir avadanlıqlarla təchiz olunduğuna görə, əyləncə mərkəzində çox saylı oyunların üstünlük təşkil etməsinə görə, otaqların genişliyinə görə digər sanatoriyalardan fərqlənir.
- Son vaxtlar Azərbaycanda turizm sektoruna xüsusi önəm verilir. Sanatoriyaya turistlər müraciət edirmi?
- Son zamanlarda xarici turistlər Naftalana daha da çöx önəm verirlər və get-gedə xarici turistlərin gəlişində artımlar hiss olunur.
- Avqust ayının sonuna kimi 3 və 5 günlük paketlərdə endirimləriniz var. Bu paketlərə nələr daxildir?
- 3 günlük paketdə:
1 nəfərin standart otaqda yerləşdirilməsi 330 azn (2 nəfər üçün 510 azn),
Deluxe Twin otaqda 390 azn (2 nəfər üçün 600 azn),
Junior Suite 480 azn (2 nəfər üçün 690 azn),
Deluxe Suite 600 azn (2 nəfər üçün 780 azn) təşkil edir.
Paketə 3 dəfə qidalanma (açıq bufet), müalicə, 2 Naftalan vannası,1 Karbon vannası, 1 seans masaj, fitnes zalından, qapalı hovuzdan, türk hamamı və saunadan istifadə etmə daxildir.
5 günlük paketdə: 1 nəfərin standart otaqda yerləşdirilməsi 500 azn ( 2 nəfər üçün 800 azn),
Deluxe Twin otaqda 600 azn (2 nəfər üçün 950 azn),
Junior Suite 750 azn (2 nəfər üçün 1100 azn),
Deluxe Suite 950 azn (2 nəfər üçün 1250 azn) təşkil edir.
Paketə 3 dəfə qidalanma (açıq bufet), müalicə, 3 Naftalan vannası, 2 Karbon vannası, 2 seans masaj, fitnes zalından, qapalı hovuzdan, türk hamamı və saunadan istifadə etmə daxildir.
- Müştəri məmnuniyyəti yəqin ki, sizin üçün də çox önəmlidir. Maraqlıdır, müştərilər tərəfindən sizə reaksiyalar necə olur?
- Qonaq məmnuniyyəti bizim üçün ən önəmli nüanslardandır. Qonaqlarımızın məmnuniyyəti üçün otelimizdə bütün şəraitlər yaradılıb və məmnun qonaqlarımızın üstünlüyü daha çox təşkil edir.
Qonaq otaqlarında və restoranda qonaqlar üçün nəzərdə tutulmuş xüsusi təkliflər kitabımız var ki, burada onlar öz təklif və istəklərini qeyd edirlər.
- Sanatoriyanızda gələcək üçün hansı yenilikləri etməyi düşünürsünüz?
- Açıq tipli hovuz tikilməsini planlaşdırmaqla yanaşı, otelimizin yeni tibbi avadanlıqlarla təmin edilməsi də nəzərdə tutulub.
Söhbətləşdi: Hicranə İsmayılova
Xəbərdən istifadə edərkən istinad etmək vacibdir.
