Ortodontik müalicə zamanı dişlərin yerləşməsi, yalnış dişləm, gicgah-çənə oynağı pozulmaları və ən əsası estetik problemlər həll olunur.
Metal breketlər qeyri-estetik olmalarına baxmayaraq, bəzi üstünlüklərə malikdir. Bu breketlərin yerləşdirilməsi və çıxarılması asan, diş minasına zərərsiz, dişə yapışması isə möhkəm olur. Qopma zamanı təkrar yapışdırılma asandır və qüvvəyə daha çox dözümlüdür.
Metallik breketlər 2 tipdə olur: liqaturalı (ortodontik qövsü breketlərə bərkidən element) və liqaturasız.
Əgər metal breket sizin üçün estetik problem yaradırsa, bu zaman keramik və sapfir breketlərdən istifadə olunur. Bu tip breketlər adətən diş rəngində olur və az nəzərə çarpır. Mənfi cəhəti isə kövrək olması və müalicə müddətinin metal breketlərə nisbətən bir qədər uzan olmasıdır.
Əgər dişlərinizin rəngi çox ağdırsa, bu zaman sizə sapfir breketləri, əgər bir qədər tünddürsə, keramik breketləri məsləhət görərdik.
Xəbərdən istifadə edərkən istinad etmək vacibdir.
