İnsanların anomal hava şəraitinə adaptasiya ola bilməməsi, qida rasionuna, geyim tərzinə diqqət etməməsi sonda soyuqdəymə ilə nəticələnir. Qəhrəmanımız Hicranə İsmayılova deyir ki, fəsil dəyişkənliyi onun orqanizminə mənfi təsir göstərir. Mütəxəssislərə görə, soyuqdəymədən qorunmaq üçün ilk növbədə immuniteti gücləndirmək və bədənin viruslara qarşı müqavimətini möhkəmləndirmək lazımdır. Xəstə insanların ictimai yerlərdə olması, onların sağlam insanları da yoluxdurma ehtimalını yüksəldib. Bu xəstəlikdən qorunmaq istəyənlər, şəxsi gigiyena normalarına fikir verməli və ictimai yerlərdə diqqətli olmalıdırlar. İlin soyuq aylarında nəinki böyüklərdə, uşaqlarda da qrip və soyuqdəymə xəstəliklərinin riski olduqca çoxalır. Valideynlər isə bütün lazım olan profilaktik tədbirləri görməlidirlər. Qida rasionu meyvə-tərəvəzlə zəngin olmalıdır. Uşaq yaxşı və xeyirli qidalanmalıdır. Çalışın sağlam olun. Özünüzü və övladlarınızı xəstəlikdən qoruyun. Bunun üçün isə ən vacibi mütəxəssislərin məsləhətlərinə düzgün və vaxtında əməl edilməsidir.