"Bronxial astma - ağciyər tənəffüs yollarının iltihabı-allergik xəstəliyi Azərbaycanda geniş yayılıb. Azərbaycan əhalisinin 5-8 faizində bronxial astma xəstəliyi müşahidə olunur".
Bunu Səhiyyə Nazirliyinin baş allerqoloqu Cəbrayıl Məmmədov deyib. 
Baş allerqoloq bildirib ki, rütubət olan regionlarda bronxial astma daha çox yayılır: "Çünki rütubət olan evlərdə xəstəliyi törədən ev gənələrinin çoxalması genişlənir".
Onun sözlərinə görə, mart ayından may ayının sonuna kimi bəzi insanlarda allergik xəstəliklər daha çox əmələ gəlir: "Bu, yazda ağacların çiçəklənməsi ilə bağlıdır. Əksər insanlar bunu qripə bənzədirlər. Buna görə də düzgün müalicə vacibdir".(APA)

Xəbərdən istifadə edərkən istinad etmək vacibdir.