Sumqayıtda ağır vəziyyətdə olan koronavirus xəstələrinin sayı açıqlanıb.
Sumqayıt şəhər Səhiyyə şöbəsinin müdiri Səkinə Sadıxova Xeberle.com-a açıqlamasında pandemiya xəstəxanası elan olunan 1 nömrəli şəhər xəstəxanasının reanimasiya şöbəsində olan xəstələrinin vəziyyətindən danışıb: "Reanimasiyada 54 ağır koronavirus xəstəsi var ki, onlardan da 23 nəfəri bu gün palataya köçürülüb. Yoluxma sayına gəldikdə isə müsbətə doğru irəliləyiş nəzərə çarpmır".
Qeyd edək ki, Sumqayıtda indiyədək aparılan 9000-dən yuxarı koronavirus testindən 500-ə qədəri pozitiv çıxıb.
Hazırda isə Sumqayıt pandemiya xəstəxanasında 300-ə yaxın xəstə müalicəsini davam etdirir.
Xədicə Səxavət
Xəbərdən istifadə edərkən istinad etmək vacibdir.
