Azərbaycan Respublikasında "COVID-19” xəstəliyi əleyhinə 2021-2022-ci illər üçün Vaksinasiya Strategiyası”na uyğun olaraq ölkə üzrə peyvəndlənmə prosesi davam etməkdədir. Bildiyiniz kimi, iyunun 7-dən Bakı şəhəri və ölkəmizin bir neçə rayonunda yeni növ koronavirus infeksiyasına qarşı peyvəndlənmə məqsədilə vətəndaşlar "Pfizer” ("Pfizer-BioNTech”) vaksinindən də istifadə edilir. Lakin bugünədək adıçəkilən vaksin Sumqayıtda istifadə edilmirdi. Çoxsaylı vətəndaş müraciətlərini nəzərə alaraq, xidməti daha əlçatan etmək məqsədilə artıq Sumqayıt şəhərinə də "Pfizer” vaksini gətirilib. Vaksin olunma məntəqəsi olaraq 3 saylı Ailə Sağlamlıq Mərkəzi (2 saylı uşaq poliklinikası) seçilib. Mərkəzdən bu barədə Xeberle.com-a məlumat verilərək bildirilib ki, Sumqayıt şəhəri üzrə 27.08.2021 tarixindən etibarən saat 09:00-16:00-dək "www. randevu.its.gov.az saytından qeydiyyatdan keçməklə peyvənd olunmaq mümkündür. Mərkəzdən xüsusi olaraq məlumat verilir ki, onlayn qeydiyyatdan keçib, növbə almayan vətəndaşlar qəbul edilməyəcək.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
