Sumqayıt Tibb Mərkəzinin tabeliyində fəaliyyət göstərən Təcili Təxirəsalınmaz Tibbi Yardım Stansiyasına ay ərzində orta hesabla 10 minə yaxın müraciət daxil olur. İkinövbəli iş rejimində işləyən tibb müəssisəsində hər növbədə 25 tibbi briqada çalışır.
Xeberle.com xəbər verir ki, bunu AZƏRTAC-a Sumqayıt Tibb Mərkəzinin direktor müavini İlkin Namazov deyib. O, hazırda stansiya da daxil olmaqla, üç məntəqənin fəaliyyət göstərdiyini qeyd edib.
Direktor müavini xidmətin operativliyini artırmaq məqsədi ilə şəhərə yaxın məsafədə yerləşən Novxanı bağlarında və "Stansiya Sumqayıt” yaşayış massivində, həmçinin məcburi köçkünlər üçün salınan şəhərcik daxil olmaqla, 2 yeni məntəqənin açılacağını bildirib.
"Hazırda 116 yüksəkixtisaslı həkim və160 tibb bacısı gecəli-gündüzlü sumqayıtlıların sağlamlığı keşiyində dayanır. Çağırışa vaxtında çatmaq üçün stansiyanın 29 avtomobildən ibarət avtoparkı da mövcuddur”, - deyə İlkin Namazov əlavə edib.
Xəbərdən istifadə edərkən istinad etmək vacibdir.
