"Azərbaycanımızın qədim şəhəri Laçının 30 illik işğalına son verdikdən sonra qarşımızda daha böyük bir vəzifə var idi. Vətənlərinə həsrət qalmış vətəndaşlarımızın yurdlarına təhlükəsiz geri dönə bilmələri üçün dağıdılmış şəhəri, kəndləri, infrastrukturu yenidən bərpa etmək. Cəmi 7-8 ay ərzində Prezident cənab İlham Əliyevin rəhbərliyi ilə Laçının böyük hissəsi tamamilə yenidən qurulub və ilk 20 ailə artıq Laçına geri dönüb. İyun ayının sonuna qədər bir çox ailə də Laçına yerləşəcəkdir. Ümumilikdə, Laçında 700 bina inşa edilib, onlardan 620-si fərdi yaşayış binasıdır".
Xeberle.com xəbər verir ki, bu sözləri Milli Məclisin deputatı Müşfiq Məmmədli bildirib. M. Məmmədli şəhidlərimizə rəhmət diləyib: "Laçınımızı düşmən işğalından azad edən şəhidlərimizə Allahdan rəhmət, qazilərimizə can sağlığı diləyirik. Laçının yenidən bərpası üçün gecə-gündüz çalışan hər bir vətəndaşımızın əlinə əməyinə sağlıq".
Xəbərdən istifadə edərkən istinad etmək vacibdir.
