Xəbər verdiyimiz kimi, Türkiyə Prezidenti Rəcəb Tayyib Ərdoğan sabah Azərbaycana səfər edəcək.
Xəbərlə.com xəbər verir ki, o, nümayəndə heyəti ilə birlikdə Bakıda bir sıra bəyanatlar səsləndirəcək.
"Yeni Şafak" qəzetinin məlumatına görə, Ərdoğanı müşayiət edəcək komandada prezident seçkilərinin ilk turunda iştirak edən ATA İttifaqının namizədi Sinan Oğan da olacaq.
Qəzet qeyd edib ki, Sinan Oğanın iki ölkənin nümayəndə heyətləri arasında keçiriləcək görüşlərdə iştirak edəcəyi gözlənilir.
Xatırladaq ki, Ərdoğan həmkarı İlham Əliyevlə görüşəcək. İki lider Ankara-Bakı xəttində əməkdaşlığın daha da artırılmasını qiymətləndirəcəklər. Dövlət başçıları Azərbaycan və Ermənistan arasında dialoq prosesində əldə olunan irəliləyişi də müzakirə edəcəklər. Qafqazda daimi sülh və sabitliyin təmin olunması üçün mesajlar veriləcək.
Xəbərdən istifadə edərkən istinad etmək vacibdir.
