Qarabağdakı Rusiya sülhməramlı kontingenti ABŞ və Aİ qeyri-sabitlik səpdiyi bir vaxtda Cənubi Qafqazda dinc həyatın bərqərar olmasına kömək etməyə hazırdır.
Xeberle.com məlumat verir ki, bu barədə Rusiyanın xarici işlər naziri Sergey Lavrov "BMT Nizamnaməsinin prinsiplərinə bütövlükdə uyğunluq və qarşılıqlı əlaqə beynəlxalq sülh və sabitliyin açarıdır” məqaləsində qeyd edib.
"İndi Brüssel öz geosiyasi ambisiyalarının qayğısına qalaraq öz "vasitəçilik xidmətlərini" Azərbaycan və Ermənistana yükləyir, Vaşinqtonla birgə Cənubi Qafqazda sabitliyin pozulmasına səbəb olur. İndi İrəvan və Bakı liderləri qarşılıqlı tanınma məsələsini öz aralarında həll ediblər. İki ölkənin suverenliyinə görə, dinc həyat qurmağın, etimadın yaradılmasının vaxtı çatıb. Rusiya sülhməramlı kontingenti buna hər cür töhfə verməyə hazırdır”, - deyə diplomatik idarənin rəhbəri bildirib.
Xəbərdən istifadə edərkən istinad etmək vacibdir.
