Sentyabrın 1-də keçiriləcək Milli Məclisə seçkilərlə əlaqədar avqustun 31-i Azərbaycanda "sükut günü”dür.
Xeberle.com məlumat verir ki, Seçki Məcəlləsinə əsasən, qeydə alınmış namizədlər, onların səlahiyyətli nümayəndələri və vəkil edilmiş şəxsləri, namizədi qeydə alınmış siyasi partiyalar, siyasi partiyaların blokları, onların səlahiyyətli nümayəndələri və vəkil edilmiş şəxsləri tərəfindən seçkiqabağı təşviqatın aparılmasına səsvermə gününə 23 gün qalmış başlanmalı və səsvermənin başlanmasına 24 saat qalmış dayandırılmalıdır.
Növbədənkənar parlament seçkiləri ilə əlaqədar seçkiqabağı təşviqatın aparılmasına 2024-cü il avqustun 9-dan başlanılıb və bu proses avqustun 31-i saat 8:00-da dayandırılmalıdır.
Həmin günü qeyri-rəsmi olaraq "sükut günü” də adlandırırlar.
Xəbərdən istifadə edərkən istinad etmək vacibdir.
