"Hakimiyyət mümkün olan hər şeyi edəcək”.
Suriya ermənilərini yalnız İrəvanda deyil, eləcə də vilayətlərdə və Dağlıq Qarabağda yerləşdirmək lazım gələcək.
Bu barədə jurnalistlərə, 1-5 iyun tarixində erməni-suriya parlamentinin dostluq qrupunun erməni heyətinin Suriyaya səfərini şərh edən Ermənistanın hakimiyyətdə olan Respublika partiyasından parlament fraksiyasının deputatı Taçat Vardapetyan mətbuat konfransında bildirib.
"Onlar üçün vilayətlərdə və Dağlıq Qarabağda yaşamaq və işləmək şəraiti var. Necə olursa olsun bizim üçün ənənəvi Suriya icmamızdan mühacirlik xoş deyil, buna baxmayaraq Ermənistan hakimiyyəti öz həmvətənlərini yerləşdirmək üçün mümkün olan hər şeyi edəcək”, - Vardapetyan əlavə edib.
Qeyd edək ki, Suriyadan ermənilərin Azərbaycanın işğal edilmiş torpaqlarına köçürülməsi qeyri-qanunidir və rəsmi Bakı bununla əlaqədar narazılığını ATƏT-in Minsk qrupunun həmsədrlərinə bildirib. (oxu.az)
Xəbərdən istifadə edərkən istinad etmək vacibdir.
