Azərbaycan Qardaşlıq və Əməkdaşlıq Cəmiyyəti, Türkiyədə Azərbaycanın daha da yaxından tanıdılması, Türkiyə-Azərbaycan münasibətlərinin daha da inkişaf etdirilməsi, bu istiqamətdə fəaliyyət göstərən qurum və fərdlərə dəstək olunması, Azərbaycandan gəlib İzmir Universitetlərində təhsil alan tələbələrin təhsillərini daha da uğurlu bir şəkildə başa vurmalarına dəstək məqsədilə qurulmuşdur.

Məqsədləri arasında Azərbaycan həqiqətlərinin, Dağlıq Qarabağın Ermənistan tərəfindən işğal edilməsinin və Xocalı soyqırımının tanıdılması da olan cəmiyyət bu sahədə bir çox fəaliyyətlər həyata keçirməkdədir.
Bu məqsədlə cəmiyyətin sədri Dr. Asıf Kurban və bərabərindəki heyət Türkiyə Böyük Millət Məclisi Baş Katibi Dr. İrfan Nəziroğluilə TBMM-də görüşdülər.Səmimi bir atmosferdə keçən görüşdə TBMM Baş Katibi Dr. İrfan Nəziroğlu, heyəti TBMM-də görməkdən məmnun olduqlarını, dost və qardaş dövlət olan Azərbaycana hər zaman və hər dəstəyi verməyə hazır olduqlarını dedi.
Heyət adına çıxış edən cəmiyyətin sədri Dr. Asıf Kurban sözlərinə onları qəbul etdiyi üçün Baş Katibə təşəkkür edərək başladı.

Kurban, son zamanlarda Türkiyə əleyhinə qondarma Erməni soyqırımı iddialarının artmasının, hətta buna Türkiyə vətəndaşı olan insanların da dəstək verməsinin onları çox narahat etdiyini söylədi. Türkiyəni olmayan, qondarma bir soyqırımla günahlandıranlar çox yaxın tarixdə Azərbaycanın Xocalı şəhərində Ermənilərin həyata keçirtdiyi soyqırımı görməzdən gəlməktədirlər. Hansı ki, Xocalı soyqımının canlı şahidləri həyatdadırlar, bu soyqırımı kimlərin həyata keçirtdikləri hər kəs tərəfindən bilinməkdə və bunlar tam tərsi milli qəhrəman elan edilmiş və ya prezident seçilmişlərdir dedi. Asıf Kurban daha sonra, bu xususlar və Azərbaycan Türklərinin acısını paylaşmaq, Türkiyədə yaşayan milyonlarla insanın istəyi olan TBMM-də Xocalı soyqırımına həsr edilən bir tədbirin təşkil olunmasını Baş Katibdən xahiş etdi. Bu müzakirələrə Xocalı soyqırımının canlı şahidləri və çox sayda qeyri-hökumət təşkilatları da dəvət oluna biləcəyini ifadə etdi. İrfan Nəziroğlu da öz növbəsində belə bir tədbirin çox faydalı olacağını və bunun üçün dəstək verəcəklərini söylədi. Daha sonra cəmiyyətin sədri qəbula görə və o günün xatirəsi olaraq Baş Katibə cəmiyyətin plaketını hədiyyə etdi. TBBM Baş Katibi Dr. İrfan Nəziroğlu da cəmiyyət sədrinə üzərində TBMM-nin emblemi olan plaket hədiyyə etdi. Görüşdə eyni zamanda cəmiyyətin idarə heyəti üzvləri Cavid Əliyev, Prof. Dr. Gülmira Kuruoğlu, Nurlanə Axundzadə Akfidan, Dr. Faiq İsayev, Fərid Novruzov və Dr. Vəfa Kurban da iştirak etdilər. Görüşdən sonra heyət məclisi gəzdi. Onlara TBMM-nin quruluşu, məclis binası və məclisin fəaliyyəti haqqında geniş bilgi verildi.