Yazıda qeyd olunur ki, Şərqlə Qərb arasında körpü olan bu ölkəni tanımaq üçün ən azı bunları bilmək vacibdir: 

1. Azərbaycan dünyanın ən qədim neft ixracatçısıdır və dünyadakı ilk nefti qazma üsulu ilə 1847-ci ildə Abşeronda çıxarılıb.

2. 1918-ci ildə müstəqilliyini elan edən AXC Şərqdə ilk demokratik respublika olub. 

3. Ermənistanın işğalı nəticəsində dünyada öz ölkəsindən köçmək məcburiyyəti olan ən çox immiqrant (qaçqın) insan (1 milyondan çox) Azərbaycandadır.

4. ABŞ və İsveçrədən əvvəl qadınlara seçmə və seçilmə haqqı verən dünyadakı ilk müsəlman ölkə Azərbaycandır (1918). 

5. Azərbaycanın milli valyutası olan manat dünyanın 5-ci qiymətli pul vahididir.

6. Məşhur bəstəkar Üzeyir Hacıbəyovun "Leyla ilə Məcnun" operası şərq ölkələrində bəstələnən ilk opera olaraq tarixdə qalıb. Əlavə olaraq onu da qeyd edək ki, Şərqdə opera yazan ilk qadın da azərbaycanlı Şəfiqə Axundova olub.

7. Azərbaycan 2006-cı ildə 35%-lik artım sürəti ilə dünyada ən sürətli böyüyən ölkə, Dünya Bankı statistikasını görə isə 2009-cu ildə ən islahatçı ölkə olub.

8. Dünyanın ən keyfiyyətli kürüsü Xəzər dənizinin Azərbaycan sahillərindən çıxarılır. Dünya kürü istehsalının 80% -i buradan qarşılanır.

9. Türk Respublikaları arasında oxumaq və yazmaq nisbəti ən yüksək ölkə Azərbaycandır.

10. Dünyada olan 11 iqlimin 9-u Azərbaycanda var.

11. Azərbaycan dünyada "Odlar Yurdu", Bakı isə "Küləklər Şəhəri" olaraq tanınır.

12. Xəzər dənizinin ən dərin yeri 1025 metr ilə Azərbaycandadır.

13. Azərbaycanın ilk universiteti olan BDU 1919 tarixində yaradılıb.

14. Dünyada Ankara hökumətini ilk tanıyan ölkə Azərbaycandır.  (qafqazinfo.az)