Ötən gün 42 saylı Sumqayıt 2-ci seçki dairəsindən deputatlığa xanım namizəd Nərmin Şamilova seçicilərlə ilk görüşünü keçirib. Şəhərin 45-ci məhəlləsində məhəllə klubunda keçirilən görüşdə Demokratik Islahatlar Partiyasının Qadınlar Şöbəsinin sədri, jurnalist və ictimai fəal gənc - namizəd özü və platforması haqqında seçicilərə məlumat verib. Sonra vətəndaşların çıxışları da dinlənilib, təklifləri qeyd olunub.

Seçicilər namizədin timsalında gənc, diplomatik, demokratik, fəal gəncləri və qadın təmsilçiləri yüksək pillələrdə, parlament təmsilçiliyində daha çox görmək istədiklərini vurğulayıblar.

Seçicilər millət vəkillərinin sakinlərlə az təmasda olduqlarından şikayətləniblər. Bildirilib ki, inkişaf üçün tərəflərin mütəmadi görüşməsinə və dialoqa ehtiyac var.

Xatırladaq ki, namizədlə seçicilərin növbəti görüşü 25 oktyabr 16.00-da 14-cü məhəllə 1a/3b sayli binanın qarşısında keçiriləcək.