Rusiya Suriyada əməliyyat keçirən təyyarələrinin Türkiyə oktyabr ayında hava məkanını pozması ilə bağlı izahat verib.

Rusiya Hava-kosmik qüvvələrinin baş komandanı Viktor Bondaryev "Komsomolskaya Pravda” qəzetinə deyib ki, təyyarələr təhlükəyə qarşı manevr edərkən sərhədi pozmağa məcbur qalıblar. 

"Təyyarəmiz Suriyanın şimalında hərbi tapşırıq yerinə yetirirdi. Çox sıx buludluq var idi. Qırıcımız Türkiyə sərhədi yaxınlığından keçəndə cihaz yerdəki HHM qurğularının təyyarəni hədəfə götürdüyünü qeydə alıb. Bu səbəbdən pilot bir neçə saniyə ərzində raket əleyhinə manevr etməyə məcbur qalıb. Bu bəs edib ki, Türkiyə hava məkanına girsin. Biz bunu etiraf edirik” – deyə Bondaryev bildirib.

Xatırladaq ki, Rusiya Müdafiə Nazirliyi 3 oktyabrda Su-30 təyyarəsinin uyğun olmayan hava şəraiti üzündən Türkiyə hava məkanını pozduğunu bildirmişdi. (Avropa.info)