Bakıya gözlənilməz səfər edən Rusiyanın baş nazirinin müavini Dmitri Roqozin bu gün Azərbaycan prezidenti İlham Əliyevlə görüşəcək.

AzVision.az xəbər verir ki, bu barədə Rusiyanın "Komersant” qəzeti məlumat yayıb.

KİV Roqozinin Bakıya gözlənilməz səfərinin bəzi detallarını açıqlayıb.

İddia edilir ki, enerji resurslarının qiymətinin kəskin ucuzlaşması ilə əlaqədar Azərbaycanın Rusiyadan aldığı silahların ödənişində müəyyən problemlər yaranıb.

Roqozinin Bakıya səfəri zamanı bu məsələlər ətrafında Azərbaycan rəsmiləri ilə müzakirələr aparacağı qeyd edilib.

Bundan əlavə, Azərbaycan tərəfinin Roqozinlə görüşdə Rusiyanın Ermənistana silah satması məsələsinə də münasibət bildirəcəyi gözlənilir.

Silaha satışı sektorunda olan mənbənin sözlərinə görə, dünən gecə saatlarında yola düşən "Rosoboroneksport” Hərbi-texniki əməkdaşlıq üzrə Federal Xidməti, həmçinin Dmitri Roqozinin səfəri "xüsusi xarakter” daşıyır və əvvəlcədən planlaşdırılmayıb:

Məlumatda qeyd olunur ki, "Rosoboroneksport”, Hərbi-texniki əməkdaşlıq üzrə Federal Xidmət əməkdaşları əvvəlcə Azərbaycan hərbçiləri ilə danışıqlar aparacaq, daha sonra danışıqlar prezident İlham Əliyev və Dmitri Roqozin səviyyəsində baş tutacaq.