"Amnesty İnternational” təşkilatı dünya ölkələrində qaçqınlara olan münasibətlə bağlı araşdırma aparıb.
27 ölkədə keçirilən sorğu zamanı 30 min insanın rəyi soruşulub.
Müəyyən olunub ki, respondentlərin 80%-i ölkəsinin qaçqınları qəbul etməsinə, 10%-i isə belə insanlara öz evində sığınacaq verməsinə müsbət baxdıqlarını deyib.
Sorğuya görə qaçqınlara qarşı ən qonaqpərvər münasibət Çin sakinlərində, daha sonra Böyük Britaniya və Almaniya sakinlərində müşahidə olunub.
Bundan başqa, Kanada, Avstraliya, Çili, ABŞ və İspaniya da "Amnesty İnternational”ın reytinqində ilk onluqda qərarlaşıb.
Rusiya vətəndaşlarının 61%-i isə ölkələrinin qaçqınlara sığınacaq verməsinə mənfi baxdıqlarını deyib. Buna görə də şimal qonşumuz reytinqin ən son sırasında qərar tutub.
Macarıstan və Polşa sakinləri də qaçqınların ölkələrinə gəlməsinə isti baxmırlar.
(Modern.az )
Xəbərdən istifadə edərkən istinad etmək vacibdir.
