Azərbaycan və Ukrayna Prezidentləri Şurasının 5-ci iclası yekunlaşıb.
AzVision.az xəbər verir ki, iclasdan sonra Azərbaycan Prezidenti İlham Əliyev və Ukrayna prezidenti Pyotr Poroşenko birgə mətbuat konfransı keçirib.
İki ölkə arasında mövcud siyasi əlaqələrin inkişafından danışan Azərbaycan prezidenti İlham Əliyev bildirib ki, ölkələrin beynəlxalq arenada əməkdaşlığı vacibdir.
Ölkə başçısı əlavə edib ki, ölkələr arasında iqtisadi sahədə böyük potensial mövcuddur: "Birgə investesiya lahiyələrinin reallaşması nəzərdə tutulub və bunu üçün müvafiq göstərişlər verilib. Ukraynada SOCAR-ın fəəaliyyəti gündəmdədir”.
Prezident İlham Əliyev bildirib ki, Azərbaycan "Odessa-Brodı” neft kəməri layihəsinin reallşamasında maraqlıdır: "Ukrayna və Azərbaycan neft nəql olunması üçün Odessa-Brodi layihəsinin reallaşdırılmasında maraqlıdır. Biz ciddi şəkildə Odessa-Brodi layihəsinin reallaşdırılmasını müzakirə etdik, çünki Azərbaycan Avropa bazarına böyük həcmdə neft ixrac edir”. - deyə o, söyləyib.
Pyotr Poroşenko isə Azərbaycan ərazisində "An-178" nəqliyyat təyyarələrinin istehsalı üçün birgə müəssisənin yaradılması imkanlarını müzakirə etdiklərini deyib: "Ən perspektiv layihələrdən biri Azərbaycana "An-178" təyyarələrinin göndərilməsi və gələcəkdə bu təyyarələrin Azərbaycan ərazisində birgə istehsalı ilə bağlıdır”.
Xəbərdən istifadə edərkən istinad etmək vacibdir.
