Xəbər verdiyimiz kimi, Roma Papasının Azərbaycana səfəri çərçivəsində prezident İlham Əliyev və xanımı Mehriban Əliyevanın Roma Papası Fransisk ilə görüşü olub.
Azərbaycan 24 xəbər verir ki, görüşün qeyri-rəsmi hissəsi maraqlı məqamlarla yadda qalıb.
Prezident İlham Əliyevin ailə üzvləri Roma Papası Fransisklə görüşüblər. Papa Fransisk Prezident İlham Əliyevin ailə üzvlərinə hədiyyələr təqdim edib. Daha sonra qarşılıqlı hədiyyələr təqdim olunub.
Roma Papası bildirib ki, onun Prezident İlham Əliyevə və xanımı Mehriban Əliyevaya təqdim etdiyi hədiyyələrdən biri rəsm əsəridir. Bu rəsm əsəri dünyada mərhəmət əməllərini nümayiş etdirir.
Prezident İlham Əliyev Roma Papasına Azərbaycan sənətkarlarının əl işlərindən ibarət hədiyyələr təqdim edib.
Prezident İlham Əliyev deyib ki,  Azərbaycan xalçalar məkanıdır. Bu, bizim milli sənətimizdir. Bu, bizim xalça hədiyyəmizdir.
Roma Papası Azərbaycanın birinci xanımı Mehriban Əliyevaya Meksikada hazırlanan və əl işi olan Tukan quşlu sini hədiyyə edib. Sini Roma Papası Fransisk tərəfindən yazdırılmış həsretmə lövhəsi ilə bəzədilib.

Xəbərdən istifadə edərkən istinad etmək vacibdir.