Gürcüstanın baş naziri Qeorqi Kvirikaşvili və Ermənistan prezidenti Serj Sarkisyan iki ölkənin mehriban qonşuluq münasibətlərini müzakirə edib və müxtəlif sferalarda əməkdaşlığın sonrakı inkişafının perspektivlərinə dair fikir mübadiləsi aparıblar.
Bu barədə gürcü KİV-i məlumat yayıb.
Siyasətçilərin görüşü Gürcüstanla Ermənistanın sərhədində yenilənmiş "Baqrataşen" sərhəd-buraxılış məntəqəsinin rəsmi açılış mərasimi çərçivəsində olub. Gürcü tərəfindən sərhədin bu hissəsində vətəndaşlara "Sadaxlı" keçid məntəqəsi xidmət göstərir.
İkilikdə görüşdən sonra Ermənistan prezidenti baş naziri və onun nümayəndə heyətini işçi nahara dəvət edib.(Virtualaz.org)

Xəbərdən istifadə edərkən istinad etmək vacibdir.