20 gün bundan öncə Sumqayıt şəhər İcra başçısının müavini, sosial-iqtisadi inkişafın təhlili və proqnozlaşdırılması şöbəsinin müdiri Lalə Hacıyevanın tutduğu vəzifədən azad olunması ilə bağlı xəbər vermişdik. Lakin bu xəbər həmin vaxt Sumqayıt şəhər İcra Hakimiyyətinin sözçüsü Eyvaz Qocayev tərəfindən təkzib olunmuş, "Lalə Hacıyeva işdən azad edilməyib, hazırda o, məzuniyyətdədir” cavabı verilmişdir. Bu gün aldığımız məlumata görə isə Lalə Hacıyeva həqiqətən də Sumqayıt şəhər İcra başçısının müavini vəzifəsindən azad edilərək H.Z. Tağıyev qəsəbəsinin icra nümayəndəsi vəzifəsinə təyin olunub. 

P.S. Boş qalmış Sumqayıt şəhər İcra başçısının müavini postuna hələ ki, heç bir təyinat yoxdur.