Azərbaycan son illər ərzində müxtəlif beynəlxalq silah sərgilərində aktiv  şəkildə iştirak edir. Ölkədə istehsal olunan silahları xarici bazarlara çıxarır, digər yandan da özünün ordu ehtiyaclarını ödəməyə çalışır. Bu istiqamətdə bizimlə tərəfdaş olan, müxtəlif hərbi müqavilələr bağlayan dövlətlər var.
Bəs hansı dövlətlər tərəfindən Azərbaycana silah embarqosu tətbiq edilib?
Məsələ ilə bağlı Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Zahid Oruc  bildirib ki, 1990-cı illərdən NATO ölkələri Qafqaz regionuna silah satışını qadağan edib.
Zahid Oruc qeyd edib ki, amma hər hansı bir vasitələrlə ikinci və üçüncü dövlətlərin əli ilə bölgəyə Qərb silahları daxil olur.


"Lakin bu, birbaşa dövlətlərarası müqavilənin nəticəsində gerçəkləşmir. Hesab edirəm ki, burada mühüm məsələni nəzərə almalıyıq. Bu gün dünya silah bazarında dominantlığı birinci yerdə ABŞ, daha sonra Rusiya və digər ölkələr etməyə çalışırlar. Lakin reallıq ondan ibarətdir ki, həmin silahların da hər birinin özünəməxsus xarakteristikası, döyüş imkanları var. Ümumən Rusiya istehsalı və onun modifikasiyasında olan silahları almaq ordunun döyüş qabiliyyətinə mənfi təsir göstərir kimi fikirlər yanlışdır. Bu gün dünya Şimali Koreya və ABŞ arasında hidrogen bombası, ayrı-ayrı nüvə başlıqlarının sınaqdan keçirilməsi və s. gərginliyini izləyir. Həqiqət ondan ibarətdir ki, Şimali Koreya ikinci və üçüncü ölkələr və özünün resursları hesabına yaratdığı  müxtəlif balistik raketlərin, raket əleyhinə olan sistemlərin tuta bilmədiyi silahlara malikdir”.
Depuat hərbi sənaye komplekslərinin hər bir ölkənin təhlükəsizliyinin, iqtisadiyyatının mühüm amilinə çevrildiyini qeyd edib.
"Azərbaycan artıq istehsal etdiyi müxtəlif növ silahları xarici bazarlara sərgilərə çıxarır. Ehtiyac olduğu təqdirdə isə müxtəlif növ silahlar alır. Ermənilər hər zaman Azərbaycanın aldığı silahlara qarşı qısqanclıq hissi keçirirlər. Amma bölgədə ancaq Gürcüstanda ABŞ-ın müxtəlif hərbi texnika və silahları var . O cümlədən bəzi ABŞ silahlarının Ukraynada nümunələri var. Lakin orada da bütün silahlar yoxdur. Belə olduğu təqdirdə MDB məkanında özünün resurs bazasının olduğuna görə, ən üstüm imkanlara malik olan dövlətlərdən biri Azərbaycandır. Bu, məhz iki amilə görədir. Türkiyə və İsrail. Türkiyə Azərbaycanın hərbi sisteminin formalaşmasında bütün komponentlər üzrə iştirak edir. O cümlədən Azərbaycan mənafeylərinə uyğun olan və bu bölgənin relyefində döyüş təlimləri vasitəsilə qazanılan, hərbi gücümüzü artıran ayrı-ayrı silahların verilməsinə qədər.
İsrail-Azərbaycan hərbi əlaqələri də dövlətimizin imkanlarını genişləndirir. İsrail dövləti milli təhlükəsizliyimizin möhkəmlənməsində, ermənilər üzərindən hərbi balansı keçməyimizdə çox böyük rol oynayır. Təsadüfi deyil ki, ermənilər bu amlə qarşı dirəniş göstərirməyə çalışırlar. Lakin reallıq göz qabağındadır. Dünən müdafiə naziri Zakir Həsənov İsrailə səfər edib. Məncə bu hər şeyi deyir”.(Modern.az)

Xəbərdən istifadə edərkən istinad etmək vacibdir.