Dünyanın gələcək rifahı üçün kibertəhlükəsizliyin təmin olunması həyatı əhəmiyyət kəsb edir.
ATƏT Parlament Assambleyasının Payız Sessiyası Andorrada öz işinə başlayıb.
Sessiyanın əsas mövzusu "ATƏT regionunda təhlükəsizlik: yeni çağırışlar, yeni hədəflər”dir. Bu gün "Kibertəhlükəsizlik problemləri” mövzusunda ilk sessiya keçirilib. Sessiyada çıxış edən Azərbaycan nümayəndə heyətinin rəhbərini müavini deputat Tahir Mirkişili sessiya iştirakçılarının əsas diqqətini texnologiyaların inkişafının dünyaya həm müsbət, həm də mənfi təsir göstərdiyinə yönəldib.
Hazırda dünyada əhalinin 46%-nin internetə qoşulduğunu, hər dəqiqə kiber məkanda 500 milyon hücumun təşkil edildiyini, 95% belə hücumun səbəbinin qazanc olduğunu, 2035-ci ilədək dünyada 1 trln internətə qoşulacaq cihazın olacağını qeyd edən Tahir Mirkişili cəmiyyətin artıq texnologiyalardan asılı olduğunu söyləmişdir. "Bu faktdır ki, bizim iqtisadi rifahımız, milli təhlükəsizliyimiz və cəmiyyətin inkişafı hazırda texnologiyalardan asılıdır. Ölkələrin hava, su, quru məkanları anlayışına "kiber məkan” anlayışı da daxil olmuşdur. Əksər müasir ölkələr kiber diversiyalar ilə üzləşləşirlər.
Uğurlu təşkil olunmuş kiber hücum 3 gün ərzində dünyada kritik infrastrukturun və insan cəmiyyətini məhvinə səbəb ola bilər” – deyən Tahir Mirkişili kiber məkanın qorunmasının həyati əhəmiyyət kəsb etdiyini üsusi qeyd etmişdir. Bunun üçün isə ölkələrin biri-biri ilə daha çox əməkdaşlağına, təhsilin və ilkin xəbərdaedici sistemlərin səviyyəsinin daha da yüksəldilməsinə və özəl həyatla təhlükəsizlik arasında balansın taplmasına gərək olduğunu sessiya iştirakçılarının diqqətinə çatdırıb.
Xəbərdən istifadə edərkən istinad etmək vacibdir.
